Chehııada sý tasqynynan segiz adam qaza tapty
PRAGA. QazAqparat – Chehııada sý tasqyny saldarynan sońǵy kúnderi kem degende segiz adam qaza tapty. Bul týraly QazAqparat Chehııa radıosyna silteme jasap habarlaıdy.
Tolassyz jaýǵan jańbyrdan bolǵan sý tasqyny saldarynan eldiń shyǵysyndaǵy Moravııa aýdany qatty zardap shekken. Senbi kúni tabıǵı apattan Petrovıtse aýylynyń eki turǵyny mert boldy. Olar Oderanyń sol jaq salasy - Osobloga ózeniniń arnasy tasyǵanda sý astynda qalyp qoıǵan. Jeksenbi kúni Frıdek-Mıstek qalasyna jaqyn ornalasqan Moravka ózenine segiz jasar oqýshy qyz batyp ketken.
Seısenbi kúni Chehıdaǵy aýrýhanada eki áýesqoı sportshy kóz jumdy. Olardyń qaıyǵyn ózen aǵysy aýdaryp jibergen. Eldiń shyǵysyndaǵy aýdandarda materıaldyq zalal somasy ondaǵan mıllıon eýrony quraýy múmkin.
