Chehııada slesar jumysqa baratyn ushaq jasap alǵan
ASTANA. QazAqparat - Chehııadaǵy slesar Frantıshek Hadrava eki jyl ishinde jumysyna 7 mınýtta jetkizetin ushaq jasap alǵan, dep jazady Daily Mail.
Ol buryn osy aralyqty kólikpen 14 mınýt júrip ótetin. Jobany iske asyrý úshin ol 100 myń kron - shamamen 4,1 myń dollar jumsaǵan.
Áýe kóligine qurastyryp alýǵa yńǵaıly amerıkanyń bir motorly ushaǵy negiz bolǵan. Oǵan jergilikti Verner kompanııasynyń 3-tsılındrli motory olrnatylǵan.
Ushaq bir saǵatta 6 lıtr janarmaı shyǵyndaıdy jáne saǵatyna 150 kılometr jyldamdyqpen ushady. Hadrava jumysyna tike ushsa 4-5 mınýtta jetýge bolady deıdi, alaıda ol adamdarǵa kedergi jasamas úshin keı jerlerdi aınalyp ótedi.
Negizgi kemshilik - ushaq tek kún raıy ashyq kúnderi ǵana áýege kóteriledi. Sonymen qatar, ony ushatyn alańǵa jetkizý, qanattaryn qurastyrýǵa ketetin ýaqytty esepke alsa 7 mınýttan asyp ketedi.
Frantıshek Hadrava burynnan beri ushaqqa qyzyǵady, ol birinshi dúnıejúzilik soǵys kezindegi nemistiń Fokker Dr. I joıǵyshyn óz qolymen jasap alǵan.
