Chehııada reseılik áskerı ushaq qulady: 19 adam jaraqat aldy
ASTANA. 23 mamyr. QazAqparat - Chehııadaǵy Chaslav qalasynyń aerodromynda An-30 reseılik áskerı ushaǵy apatty jaǵdaıda qondyryldy. Qonǵan sońushaq órtene bastady, dep habarlaıdy chehııalyq ČT24 arnasyna silteme jasaǵan RosBıznesKonsaltıng.
Aldyn ala málimetter boıynsha, jerge qoný kezinde ushaqtyń salonynda 23 jolaýshy, sonyń arasynda Reseı Qorǵanys Mınıstrliginiń 14 ókili jáne chehııalyq áskerı vedomstvosynyń 9 qyzmetkeri jáne respýblıkanyń Bas shtabynyń baspasóz hatshysy ıAn Rýjıkov bolǵan.
Apatty qoný saldarynan ushaq qıraǵan joq, biraq kúrdeli zaqymdaldy. Bogemııanyń Ortalyq qutqarý qyzmetiniń aqpartynsha, TJ saldarynan 19 adam zardap shekti, sonyń ishinde eki adam qatty kúıikter alyp, tikushaq arqyly jaqyn ornalasqan aýrýhanaǵa jetkizildi. Taǵy 17 jolaýshyny aýrýhanaǵa jedel járdem brıgadalary alyp ketti. Bul rette Reseıdiń Qorǵanys Mınıstrligi áýe oqıǵasynyń saldarynan bes reseılik jáne bir chehııalyq áskerdiń zardap shekkenin málimdeıdi.
Reseı jáne Chehııa Elshilikteriniń ókilderi qutqarýshylardyń jumys tobymen baılanysqa shyqty, olar áýe oqıǵasynyń sebepterin tergeýge qatysady.
