Chehııada Pfizer jáne Moderna vaktsınalarynyń eki dozasyn salý aralyǵy ulǵaıtyldy
PRAGA. Ukrinform - QazAqparat – Chehııa úkimetiniń densaýlyqqa qaýip-qater jónindegi keńesi koronavırýsqa qarsy Pfizer/BioNTech jáne Moderna vaktsınalarynyń birinshi jáne ekinshi dozalaryn engizý aralyǵy 42 kúnge deıin arttyrýdy maquldady, dep habarlaıdy QazAqparat Ukrinform saıtyna silteme jasap.
«Jaqynda tirkelgen adamdar Pfizer / BioNTech jáne Moderna vaktsınasynyń ekinshi dozasyn 42 kúnnen keıin alady. Kásibı turǵydan bul – qalypty jaǵdaı, ýaıymdańyzdar», – dedi Chehııanyń densaýlyq saqtaý mınıstrligi Tvıtter paraqshasynda.
Vedomstvo mundaı aralyq kóptegen adamdarǵa vaktsına alýǵa, demek, az ýaqyt ishinde kóp adamdy qorǵaýǵa múmkindik beretindigin alǵa tartty. Degenmen AstraZenesa preparatymen vaktsınalaýda mundaı ózgerister joq. Ekpe alý arasyndaǵy uzaqtyq – 13 aptaǵa deıin.
Pfizer / BioNTech jáne Moderna óndirgen preparattar respýblıkadaǵy vaktsınalardyń 85%-yn quraıdy. Bas kezinde Pfizer / BioNTech vaktsınasyn alý aralyǵy 21 kún, Moderna úshin 28 kún bolǵan edi.
Qazirgi ýaqytta Chehııada 1,13 mln adam ekpe aldy. Bul halyqtyń 10 paıyzyna jetpeıdi, ıaǵnı 445 myńǵa jýyq adam.
Worldometer málimetteri boıynsha álemde koronavırýs ınfektsııasynyń 128, 787 576 jaǵdaıy tirkeldi, onyń 2,815,026-sy kóz jumdy, 103,915,264 adam emdelip shyqty.
