Chehııada oqýshylarǵa mektepten bastap qarjy saýattylyǵynyń negizderi úıretiledi
ALMATY. 27 qańtar. QazAqparat - Qazaqstandyqtardyń 94 paıyzy balalaryna usaq shyǵynǵa aqsha beredi jáne 7 jasty aqsha berýdi bastaý úshin eń jaqsy jas dep esepteıdi.
Bultýraly«Hoým Kredıt Bank» AQ-nyń telefon arqyly júrgizgen saýalnamasy kezinde málim bolyp otyr. Qarjy ınstıtýtynyń baspasóz qyzmetiniń habarlaýynsha, ata-analar 10 jastaǵy balaǵa aıyna shamamen 3 myń teńge berýge daıyn eken.
Sońǵy ýaqytta Qazaqstanda usaq shyǵynǵa beriletin aqshaǵa degen kózqaras áldeqaıda jaqsardy. Olardy balalardy qarjylyq jaǵynan tárbıeleýdiń asa mańyzdy dep esepteıtin ata-analardyń sany ósip keledi.
Chehııadaǵy Home Credit a.s. kompanııasynyń sarapshysy Mıhal Kozýbtyń aıtýynsha, Chehııada ata-analardyń 88 paıyzy ǵana balalarǵa usaq shyǵynǵa aqsha bergileri keledi eken. Buryn ol budan tómen bolǵan. Qazir jaǵdaı ózgerdi, óıtkeni Chehııada mektep oqýshylaryna qarjy saýattylyǵynyń negizderi úıretilip jatyr. Bul pán birtindep mektepte oqytý kýrsyna engizilip, balalardy aqshany durys qoldanýǵa úıretedi. Osyǵan oraı ata-analar olardan usaq aqshanyń máni nede bolatynyn biledi. Azamattar bul aqsha balalarǵa shokoladty satyp alý úshin ǵana kerek dep oılamaıtyn boldy.
Al balalardyń usaq shyǵyndarynyń orta somasy aıyna Qazaqstan men Belorýssııada birdeı. Al reseılikterde ol 14 myń teńgeni quraıdy. «Hoým Kredıt Banktiń» baspasóz hatshysy Ásel Ahmetovanyń sózine qaraǵanda, suralǵan qazaqstandyqtardyń kópshiligi, alǵashqy ret usaq shyǵynǵa aqshany bala 7 jasqa kelgende berý kerek dep esepteıdi. Ádette bul orta mekteptiń birinshi nemese ekinshi synyp oqýshylary. Olar oqý jolynyń basynda turyp, aqshasyn basqarýǵa endi úırenip keledi. Sonymen qatar, kóptegen respondentter cheh, slovak, reseılik ata-analar sııaqty aqshany balalaryna on jastan berýge daıyn. Bul jasta balalar oısha jaqsy esepteı alady. Sondyqtan ata-analarynan alǵan aqshany qoldanýǵa da kózqarastary oıly ári oryndy bolyp tabylady. Olar jaı ǵana saýda jasamaı, «tabystaryn» úlestire alady. «Balalarǵa úı jumysyn oryndaǵany úshin aqsha berý kerek pe?» degen suraqqa, otandastarymyz bir aýyzdan «joq» dep jaýap bergen. Reseı, Belarýs, Chehııa, Slovakııa, Vetnam men Qytaıdaǵy ata-atanalar da osyǵan uqsas pikir bildirgen.
