Chehııada oq-dári óndiretin zaýytta jarylys boldy

ASTANA. KAZINFORM – Praga qalasynan shyǵysqa qaraı 135 km qashyqtyqta ornalasqan Polıchka qalasy mańyndaǵy metall óńdeý jáne oq-dári óndirý zaýytynyń qoımasynda jarylys boldy, dep habarlaıdy dw.com.

Чехияда оқ-дәрі өндіретін зауытта жарылыс болды
Фото: Vaclav Salek/CTK/dpa/picture alliance

Qutqarý qyzmetiniń habarlaýynsha, kem degende bir adam aýyr jaraqat alyp, tikushaqpen aýrýhanaǵa jetkizildi.

Polıtsııa oqıǵa bolǵan jerdi qorshap, kóshelerdi jaýyp tastady, zaýyttyń barlyq qyzmetkeri evakýatsııalandy. Aldyn ala málimetterge silteme jasaǵan kompanııa ókili jarylystyń eń yqtımal sebebi óndiris protsesindegi tehnıkalyq qatelik bolǵanyn aıtty. 

BAQ málimetinshe, jarylys trotıl (trınıtrotolýol) jarylǵysh zaty saqtalǵan STV Invest holdınginiń qoımasynda bolǵan. Budan basqa Polıchka mańyndaǵy zaýyt artıllerııalyq oq-dári shyǵarylady. Kompanııa jaıaý áskerdiń eski jaýyngerlik mashınalaryn, tankiler men gaýbıtsalardy jóndeý jáne jańartýmen aınalysady, al azamattyq sektorda avtobýstardyń esik júıelerine mamandanǵan.

Aıta ketelik Ońtústik Koreıada orman órti saldarynan keminde 18 adam qaza tapqan edi

Сейчас читают