Chehııada musylman qyzdardyń mektepke sharıǵat shálisimen kelýine ruqsat berildi
ASTANA. QazAqparat - Chehııa memleketiniń Bilim mınıstri Marel Hladek mektep qabyrǵasyndaǵy qyzdardyń sharıǵat shálisin jamylǵanda turǵan túk te ábestik joqtyǵyn aıtyp, sóz sóıledi. Óz sózinde ol sharıǵat shálisine qarsy emestigin, alaıda nıqab kııýge degen qarsylyqtyń negizi baryn alǵa tartty.
Sotsıal-demokrattar partııasynyń belsendi múshesi Hladek óz ustanymyn «Dýel» atty baǵdarlama barysynda jaıyp saldy. Onyń aıtýynsha, sharıǵat shálisinen týyndaıtyn eshqandaı másele bolmaǵandyqtan da, Bilim mınıstrligi eshqandaı ereje de, eshqandaı nusqaý da shyǵarmaıdy.
Bul taqyryp Chehııa mektepterinde somalılik jáne aýǵandyq otbasy qyzdary sharıǵat shálisin jamylǵany úshin mektepten shyǵarylǵanda úlken daýǵa aınalǵan bolatyn. Endi Bilim mınıstrliginiń resmı málimdemesinen keıin musylman qyzdary alańsyz bilim alýlaryna esh bóget joq, dep jazady muslim.kz.
