Chehııada qymbatshylyqqa narazy myńdaǵan adam sherýge shyqty
PRAGA. QazAqparat – Praga ortalyǵynda «Kedeılikke qarsy» uranmen ótken mıtıngige birneshe myń adam jınaldy. Úkimetten kómek talap etken sherýdi Chehııa kásipodaqtar konfederatsııasy uıymdastyrǵan, dep habarlaıdy QazAqparat DW-ge silteme jasap.
8 qazan kúni Pragadaǵy Vatslav alańyna energııa men azyq-túlik baǵasynyń ósýine narazylyq bildirgen birneshe myń adamdy jınaldy.
Olar qazirgi ýaqytta aıyna 644 eýrony quraıtyn eń tómengi jalaqyny kóterýdi, sondaı-aq kúndelikti turmystyq taýarlar baǵasyna memlekettik retteýdi engizýdi talap etti.
Aıta keteıik, Ulttyq statıstıka vedomstvosynyń málimetinshe, tamyz aıynda Chehııadaǵy baǵanyń ósýi jyldyq mánde 17,2 paıyzdy qurady. Shuǵyl shara retinde premer-mınıstr Petr Fıala bastaǵan ońshyl ortalyq úkimet qarasha aıynyń basynan bastap kúshine enetin úı sharýashylyqtary men shaǵyn kásiporyn úshin elektr energııasyna jáne gaz baǵasyna shekteý qoıǵan bolatyn.
Foto: dw.com
