Chehııada kommýnızmdi nasıhattaýǵa tyıym salyndy

ASTANA. KAZINFORM — Chehııa Prezıdenti Petr Pavel Qylmystyq kodekske engizilgen túzetýge qol qoıdy, dep jazady Anadoly.

Ol kommýnıstik ıdeologııany nasıhattaýdy natsıstik nasıhatpen birdeı deńgeıde qylmys sanaıdy.

Radio Prague International agenttiginiń habarlaýynsha, tıisti zańdyq túzetýdi Petr Pavel qol qoıyp, bekitti.

Jańartylǵan zańǵa sáıkes, natsıstik, kommýnıstik nemese basqa da adam quqyqtary men bostandyqtaryn buǵattaýǵa, sondaı‑aq etnıkalyq, ulttyq, dinı nemese taptyq óshpendilikti qozdyrýǵa baǵyttalǵan qozǵalystardy qurý, qoldaý, nasıhattaý úshin 5 jylǵa deıin bas bostandyǵynan aıyrý jazasy qarastyrylǵan.

Buǵan deıin qylmystyq jaýapkershilikke tek natsıstik nasıhat tartylatyn bolsa, engizilgen ózgeristerge sáıkes endi kommýnıstik nasıhat ta qylmys bolyp esepteledi.

Osydan buryn Chehııada jańa memlekettik vızýaldyq stıl bekitilgenin habarlaǵan edik.