Chehııada Qazaqstan quramasynyń tennısshilerin tonap ketti
ASTANA. 7 naýryz. QazAqparat - Qazaqstan quramasynyń tennısshileri Chehııada urylardyń qurbany boldy,
dep habarlaıdy «Rosbalt» agenttigi.
DPA agenttigine silteme jasap «Eho Moskvy» radıostansasynyń habarlaýynsha qylmyskerler Chehııaǵa Devıs Kýbogy matchyna barǵan sportshylardyń qonaqúıdegi nómirlerin tonap ketken. Urylar ózderimen aqsha, elektrondyq gadjetterdi alyp ketken. Otelden urlanǵan zattar 17 myń eýro somaǵa baǵalanyp otyr.
«Novostı-Kazahstan» agenttiginiń habarlaýynsha, tek komanda músheleriniń ǵana emes, jattyqtyrýshynyń da nómiri tonalǵan. Qonaqúı ákimshiliginiń aıtýynsha, urlyqty qonaqúıde turatyn sheteldikterdiń biri jasaýy yqtımal.
Devıs Kýbogy (Davis Cup) - Halyqaralyq tennıs federatsııasy jyl saıyn erler arasynda ótkizetin iri halyqaralyq komandalyq jarys.
