Chehııada Qazaqstan ədebıeti men mədenıeti ortalyǵy ashyldy
ASTANA. QazAqparat - Praganyń Ulttyq kitaphanasynda Qazaqstan ədebıeti men mədenıeti ortalyǵy ashyldy. Bul jaıynda ádebıettanýshy Eldos Toqtarbaı Feısbýktegi paraqshasynda jazdy, dep habarlaıdy QazAqparat.
Praga qalasyndaǵy bes ǵasyrlyq tarıhy bar Klementıným Ulttyq kitaphanasy janynan "Qazaqstan ədebıeti men mádenıeti" ortalyǵynyń ashylý saltanaty boldy. Saltanatty sharaǵa QR Cheh Respýblıkasyndaǵy elshisi Serjan Ábdikárimov, konsýl Azamat Qadyr, birinshi hatshy Madına Muratbekova jəne Chehııa Ulttyq kitaphanasynyń basshylyq quramy qatysty. Shara barysynda Serjan Ábdikárimov Qazaqstan mádenıeti men ədebıeti, tarıhy jəne Elbasynyń «Rýhanı jańǵyrý» baǵdarlamasy týraly sóz sóıledi.
«Elshi kitaphana isi, Qazaqstan Ulttyq akademııalyq kitaphanasy megajobasynyń artyqshylyǵy men jetistigin cheh halqyna maqtanysh sezimmen jetkizdi. Shúkir, bunyń bəri Táýelsizdigimizdiń ıgiligi. Men Səýle Júsipovamen birge ortalyqtyń kitaptary men avtorlaryn tanystyrdyq. Munan soń memorandýmǵa qol qoıyp, pikir almastyq», - deıdi Eldos Toqtarbaı.
Aıta keteıik, bul ortalyq Praga qalasyndaǵy 2000-nan astam qazaq jastaryna, sondaı-aq, jergilikti turǵyndarǵa qyzmet kórsetedi.
