Chehııada hımııa zaýytynda bolǵan jarylys 6 adamnyń ómirin qıdy
ASTANA. QazAqparat - Chehııa ortalyǵynda ornalasqan Vltavadaǵy Kralýp qalasyndaǵy iri hımııa kombınatynda jarylys boldy, dep habarlaıdy QazAqparat Cheh radıosyna silteme jasap.
Oqys oqıǵa saldarynan alty adam qaza tapty. Qaýipsizdik sharalary retinde qaladan Veltrýsaǵa baratyn kúre joldaǵy avtomobıl qozǵalysy shektelgen.
«Kombınatta jarylys bolǵany týraly aqparat aldyq. Qazir oqıǵa ornynda órt sóndirýshiler men dárigerler jumys istep jatyr», - deıdi Ortalyq Chehııa ólkesi órt sóndirý bólimshesiniń ókili Vladımıra Kerekova.
Qutqarýshylardyń aıtýynsha, qaza tapqandardan tys birneshe adam aýyr jaraqat alǵan.
Oqıǵanyń mán-jaıy tekserilip jatyr.
Foto: tn.nova.cz
