Chehııada H ǵasyrǵa tıesili 700 tıyn tabyldy
ASTANA. QazAqparat - Ortaǵasyrlyq 700 tıyny bar qazyna Praga mańynan tabyldy. Bul týraly Lenta.rý Pardýbıtse qalasyndaǵy Shyǵys-chehııalyq murajaıyna silteme jasaı otyryp habarlady.
H ǵasyrdyń monetalary jaıly TASS agenttigine murajaı dırektory Tomash Lıbanek áńgimelep berdi. «Bul kúmis - chehııalyq dınarııalar. Ár monetanyń salmaǵy ortasha alǵanda shamamen 0,5 grammdy quraıdy. Olar tólem quraly retinde ortaǵasyrlyq chehııalyq memleketimen saýda baılanysynda bolǵan Novgorod jáne Kıev Rýs jerinde paıdalanyldy», - dedi ǵalym.
Qazynany 2015 jyly qarasha aıynda tapqan, alaıda ol týraly qańtar aıynda ǵana jarııalandy. Qazynany tapqan adamǵa 2 mıllıon kron syıaqy berilýge ýáde berildi.
Jergilikti zańǵa sáıkes, qazyna tabylǵan aımaqqa tıesili. Monetalar 2016 jyldyń kúzinde kópshiliktiń nazaryna usynylyp, Pardýbıtsedegi nýmızmattyq kollektsııa murajaıynyń bólshegine aınalady.
