Chehııada eki poıyz soqtyǵysyp, adamdar qaza tapty

ASTANA. KAZINFORM – Pragadan 100 shaqyrym jerde poıyz apaty boldy. Qaza tapqandar men jaraqat alǵandar bar. Oqıǵanyń sebepteri anyqtalýda, dep habarlaıdy Euronews.

Chehııada poıyz apatynan keminde tórt adam qaza taýyp, jıyrmadan astam adam jaraqat aldy. Oqıǵa qaladan júz shaqyrym jerde bolǵan.

Habarlanǵandaı, Pragadan Slovakııanyń Koshıtse qalasyna bet alǵan jolaýshylar poıyzy júk poıyzymen soqtyǵysqan. Bir vagon relsten shyǵyp ketti. Іzdestirý-qutqarý jumystaryna 36 órt sóndirý brıgadasy men eki tikushaq jumyldyryldy. 

Zardap shekkender aýrýhanalarǵa jetkizildi. Olardyń keıbiriniń jaǵdaıy aýyr. 

Chehııa premer-mınıstri Petr Fıala qaza tapqandardyń otbasylaryna kóńil aıtty. Oqıǵanyń sebepteri anyqtalýda. Bir nusqasy – mashınıst qatesi.