Chehııada egin jınaıtyn jumysshylar tapshy

ASTANA. KAZINFORM — Chehııanyń aýyl sharýashylyǵy salasy jumys kúshiniń jetispeýshiliginen zardap shegip jatyr. Bul ásirese egin jınaý maýsymy bastalǵan kezde aıqyn kórindi, dep jazady AZERTADJ.

Jenpráce.cz jumyspen qamtý saıtyndaǵy málimetke sáıkes, aýyl sharýashylyǵynda jumysqa degen qyzyǵýshylyqtyń tómendeýi eńbektiń aýyrlyǵyna sáıkes kelmeıtin tómen jalaqyǵa baılanysty.

Resýrstyń derekteri boıynsha, agrarlyq sektordaǵy jalaqy el boıynsha ortasha kórsetkishten 13 myń kronǵa (520 eýro) tómen.

Cheh statıstıka basqarmasynyń málimeti boıynsha, bıylǵy jyldyń birinshi toqsanynda salyq alynar aldynda eldegi ortasha jalaqy 46 924 cheh kronasyna (1877 eýro) teń bolǵan.

Jaz aılarynda eń kóp jumysshy egin jınaý, suryptaý jáne eginge kútim jasaý jumystarynda jetispeıdi.

Mal sharýashylyǵy salasynda jaǵdaı uqsas —  iri qara mal men jas malǵa kútim jasaıtyn qyzmetkerler qajet.

Bul rette kadr tapshylyǵy máselesin fermerlik sharýashylyqtar zamanaýı tehnologııalardy engizý jáne maýsymdyq jumysshylardy tartý arqyly sheshýge tyrysady.

Buǵan deıin Chehııada kommýnızmdi nasıhattaýǵa tyıym salynǵany habarlandy.