Chehııada dızel otynynyń baǵasy sońǵy tórt jyldaǵy eń joǵary deńgeıge jetti
ASTANA. KAZINFORM – Chehııada dızel otynynyń baǵasy sońǵy tórt jyldaǵy eń joǵary deńgeıge jetti. Bul týraly ČTK aqparat agenttigi habarlady.
Respýblıkadaǵy janarmaı quıý beketterinde dızel otynynyń bir lıtri orta eseppen 48,39 kronaǵa baǵalanyp otyr. Bul shamamen 2 eýroǵa jýyq.
Sondaı-aq benzın baǵasy da sońǵy 3,5 jyldaǵy eń joǵary deńgeıge kóterildi.
Natural 95 markaly benzınniń bir lıtri janarmaı quıý stantsııalarynda orta eseppen 41,63 kronaǵa, ıaǵnı shamamen 1,7 eýroǵa satylyp jatyr.
Avtokólik otyny baǵasynyń ósýin tejeý maqsatynda Chehııa úkimeti janarmaı satatyn kompanııalardyń ústeme paıdasyn shekteý jáne dızel otynyna salynatyn aktsız salyǵyn tómendetý týraly sheshim qabyldady.
Budan bólek, respýblıka Qarjy mınıstrligi eldegi janarmaı quıý beketterinde avtokólik otynyna ruqsat etilgen eń joǵary baǵany kún saıyn belgilep otyrmaq.
Aıta keteıik, avıatsııalyq janarmaı tapshylyǵyna baılanysty Azııa áýe kompanııalary reısterin qysqartyp jatyr. Áýe kompanııalaryn mundaı jaǵdaıǵa Taıaý Shyǵystaǵy kúrdeli ahýal jetkizip otyr.
