Chehııada aptap ystyqtan qoımadaǵy oq-dáriler jaryla bastady

ASTANA. KAZINFORM – Chehııanyń soltústik-batysyndaǵy Lıtomerjıtse qalasy aýdanynda armııanyń oq-dári qoımasy mańynan órt shyqty. Bul týraly reseılik TASS CTK aqparat agentigine siltem jasap habarlaıdy.

Órtti sóndirýge 12 órt sóndirýshi bólimshe jumyldyrylyp, olar avıtehnıkany qoldandy. Jalyn sharpyǵan tórt gektar aımaqta jer astynda jatqan eski oq-dáriler jarylyp, jaǵdaıdy odan saıyn qıyndatty. Bılik tótenshe jaǵdaı bolǵan aımaqqa jaqyn eldi meken turǵyndaryn ormanǵa serýendeýden bas tartýǵa shaqyrdy.

Chehııada aptap ystyq kún saıyn kúsheıip keledi. Termometrdiń baǵany sársenbi kúni 35 gradýstan joǵary temperatýrany kórsetti. Beısenbi kúni meteorologtardyń boljamynsha, kún taǵy da ysıdy. Aýa temperatýrasy 40 gradýsqa jetýi yqtımal. Orman órtiniń qaýpi tónip tur.

Osyǵan deıin Frantsııa men Ispanııada aptap ystyqtan alǵashqy ólim tirkelgeni týraly jazdyq.