Chehııada 3-4 qazanda parlamenttik saılaý ótedi

ASTANA. KAZINFORM — Prezıdent Petr Paveldiń bul týraly sheshimi 15 mamyrda Zańdar jınaǵynda jarııalandy, dep habarlaıdy AZERTADJ.

Osylaısha, saılaý naýqany resmı bastaldy. Bul partııalar, qozǵalystar jáne olardyń koalıtsııalary úshin belgili mindettemelerdi talap etedi. Olardyń barlyq úgit-nasıhat jumysy zańmen belgilengen 90 mln kron (3,6 mln evro) lımıtine sáıkes esepteledi. 15 mamyrdan bastap bes kún ishinde, ıaǵnı 19 mamyrǵa deıin saılaýǵa qatysýshy birlestikter ashyq saılaý esepshotyn ashýy, oǵan óz saıttarynda qoljetimdilikti qamtamasyz etýi jáne saıası partııalar men qozǵalystardy qarjylandyrýdy baqylaý basqarmasyna esepshotqa ruqsat berýi tıis.

Іshki ister mınıstrligi óz saıtynda aldaǵy parlamenttik saılaýǵa qatysty olardyń qaýipsiz ári senimdi ótýi úshin belsendi jumys istep jatqanyn habarlady. Atap aıtqanda, kıberqaýipsizdikti qamtamasyz etý úshin arnaıy tehnıkalyq bólimshe quryldy. Ol aqparattyq júıelerge kúsheıtilgen baqylaý, saılaýǵa qatysty veb-saıttardy monıtorıngileý jáne baılanys aqaýlaryna daıyndyqty uıymdastyrýdy qamtıtyn is-sharalar josparyn ázirleıdi.

Osydan buryn Eýropalyq Odaq azamattary Chehııanyń saıası partııalaryna múshe bola alatyny habarlandy.