Chehııada 2 myńnan astam qazaqstandyq stýdent bilim alýda - S. Ábdikárimov
ASTANA. QazAqparat - Chehııada 2 myńnan astam qazaqstandyq stýdent bilim alýda. Bul týraly búgin QR Syrtqy ister mınıstrliginde ótken baspasóz máslıhatynda Qazaqstannyń Chehııadaǵy Elshisi Serjan Ábdikárimov málim etti.
«Chehııada Qazaqstannyń 2 myńnan astam stýdenti bilim alýda. Bul elde bilim berý joǵary deńgeıde, ıaǵnı dıplomdary barsha álemde moıyndalǵan. Batys Eýropa elderimen jáne AQSh-pen salystyrǵanda, bilim alý qymbat emes dep baǵalaýǵa bolady»,-dedi Elshi.
Onyń sózine qaraǵanda, atalǵan elde JOO-ǵa túskenge deıin bir jyl boıy cheh tilin talapkerler óz qarjysyna meńgeredi. Al oqý ornyna túsken soń, Chehııa Úkimeti tórt jyl boıy aqysyz bilim alýǵa shetel stýdentterine granttar usynady.
«Chehııadaǵy aýyl sharýashylyǵy ýnıversıtetinde elimizden 250-ge jýyq stýdent bilim alyp jatyr. Olardyń bir bóligi aqysyz bilim alýda, al qalǵany aqyly negizde oqytylýda»-dep toqtaldy S. Ábdikárimov.
Elshiniń aıtýynsha, sońǵy 6-7 jylda Qazaqstannan bes myńnan astam stýdent Chehııa joǵary oqý oryndaryn támamdady.
