Chehııada 11 polıak shahteriniń qaza tabýyna baılanysty Polshada azaly kún jarııalandy
ASTANA. QazAqparat - Polshada Chehııadaǵy CSM kómir shahtasyndaǵy jarylystan mert bolǵan 11 polıak kenshisiniń qaza tabýyna baılanysty 23 jeltoqsan aza tutý kúni bolyp jarııalandy. Bul týraly PAP habarlady.
Qaıǵyly oqıǵa eldiń soltústik-shyǵysynda ornalasqan Karbın qalasynda bolǵan. SSM kómir shahtasynda 880 metr tereńdikte metan jarylýy saldarynan 13 adam qaza tapty. Onyń 11-i - polshalyqtar bolsa, ekeýi - Chehııa azamaty,
Jarylys saldarynan 13 adam - 11 polıak jáne eki cheh qaza tapty. Shahterler jumys istep jatqan birneshe ýchaskede jynystar opyrylyp túsken.
Jarylys kezinde jaraqat alǵan bir shahter jergilikti aýrýhanalardyń birinde hal ústinde jatyr. Aýrýhanaǵa jetkizilgen taǵy eki shahterdiń jaǵdaıy asa aýyr emes. Jalpy, apat saldarynan 10 shahter zardap shekken, sonyń jeteýine ambýlatorlyq em-dom jasalyp jatyr.
Oqıǵa ornyna Polshanyń premer-mınıstri Mateýsh Moravetskıı keldi.
Polsha Prezıdenti Andjeı Dýda Twitter-de opat bolǵan 11 polıak kenshisiniń jaqyndary men týystaryna kóńil aıtty.
