Chehııa jaryqsyz qaldy: qoǵamdyq kóliktiń jumysy toqtady

PRAGA. KAZINFORM — Chehııanyń birneshe qalasynda jergilikti ýaqyt boıynsha túski ýaqytta elektr energııasy óship qaldy. Elektr qýatynyń úzilisteri Mlada-Boleslav, Ústi-nad-Labem, Gradets-Kralov qalalarynda tirkelgen, biraq kópshilik óshirý Pragany kóp mólsherde qamtydy, dep jazdy DW.

Chehııa astanasynda metro, sondaı-aq kópshilik tramvaılar men trolleıbýstar jumys istemeı qaldy. Buǵan qosa, qalada baǵdarshamdar men bankomattar istemeıdi dep habarlaıdy Novinky CZ portaly. Jaryq sónip qalǵandyqtan úılerdegi lıfter toqtap, keıbirinde adamdar qaldy. Alaıda Praga áýejaıy shekteýsiz jumys istep tur.

Aldyn ala málimetterge sáıkes, jaryq sónip qalýdyń sebebi tehnıkalyq aqaý bolyp tabylady, ol Hodov aýdanyna ornalasqan ČEPS podstantsııasynda apattyq óshirýge sebep bolǵan. Sol ýaqytta dıversııa múmkindigi de joqqa shyǵarylmaıdy — ony Chehııa kıberqaýipsizdik qyzmetteri tekserip jatyr, dep jazady 420on portaly.

Eske sala keteıik, buǵan deıin Chehııada aptap ystyqtan qoımadaǵy oq-dáriler jaryla bastaǵanyn jazǵan edik.