Chehııa Syrtqy ister mınıstri: Biz Qazaqstanǵa jylqy tuqymyn túrlendirýge kómektesemiz

ASTANA. KAZINFORM – Chehııa Qazaqstanmen jetkizý tizbegindegi asa mańyzdy shıkizat óndirisin salasynda áriptestik ornatýǵa nıetti. Cheh Respýblıkasynyń Syrtqy ister mınıstri ıAn Lıpavskıı Qazaqstan Premer-mınıstriniń orynbasary – Syrtqy ister mınıstri Murat Nurtileýmen ótken kezdesýden keıin BAQ ókilderine osyndaı málimet berdi. 

«Energetıka, ınjınırıng, sýyl sharýashylyǵy sııaqty salalarda ózara yqpaldastyq damyp keledi. Belgili bir nátıjeler de bar. Skoda, Total Eng sııaqty kompanııalar Qazaqstan naryǵynda baıaǵydan jumys istep keledi. Taǵy eki kompanııa jýyqta Qazaqstan jumys istep bastaıdy. Biz, sondaı-aq, jer qoınaýyn ıgerý, jetkizý tizbegindegi asa mańyzdy shıkizat materıaldaryn óndirý salalaryndaǵy áriptestiktiń zor áleýetin kórip otyrmyz. Bul baǵyttar bizdiń áriptestiktiń taǵy bir mańyzdy baǵyty bolady dep úmittenemiz», - dedi.

Chehııa mınıstri ǵylym salasyndaǵy ekijaqty baılanystarǵa toqtaldy.

«Búgingi kezdesý kezinde ǵylymı zertteý, bıznes baılanystardy damytý máselesinde áriptestikti nyǵaıtý týraly kelisimge keldik. Sondaı-aq Astanada Cheh jáne Qazaqstan Respýblıkalarynyń arasynda birlesken zertteý ınstıtýtyn qurmaqshymyz. 

Prjevalskıı jylqysynyń tuqymyn Qazaqstanda jandandyrý jobasynyń sátti iske asyrylyp bastaǵanyn atap ótkim keledi. Bul jylqy tuqymy Qazaqstanda da tanymal bolady dep úmittenemin. 2024 jyldyń shilde aıynda Pragadan Qazaqstanǵa alǵashqy jeti jylqy jiberilgen. Kelesi jyly 30-40 bas jylqy taǵy jiberý josparlanyp otyr. Biz Qazaqstandaǵy jylqy tuqymyn túrlendirýge kómektesemiz, kerqulandardy Qazaqstanǵa oraltamyz dep úmittenemiz», - dedi ıAn Lıpavskıı.

Eske sala keteıik, Chehııa Syrtqy ister mınıstriniń Qazaqstan-Chehııa yntymaqtastyǵynyń áleýeti zor ekenin aıtqanyn jazǵan edik.