Chehııa ShQO-ǵa ýltrajeńil ushaqtar jetkizýge nıetti
Kezdesý barysynda taraptar ken óndirý isi men saýda-ekonomıkalyq salada seriktestik ornatý múmkindikterin talqylady.
«Qazaqstan metallýrgııasynyń búgini men erteńi bizdiń óńirmen tikeleı baılanysty. Budan bólek, Qazaqstannyń atom ónerkásibi de bar. Biz qýattylyq jóninen álemdegi eń úlkeni sanalamyz. Kezinde búkil Sovettik sotsıalıstik aýmaqqa elektr stansalarynyń otynyn shyǵardyq. Sol óndiristik qýat áli de bar», - dedi Danıal Ahmetov.
Chehııa elshisi ken óndirý qondyrǵylaryn jetkizýge, aýyl sharýashylyǵy salasynda baılanys ornatýǵa nıetin bildirdi.
«Budan bólek, Chehııalyq kásiporyndar mashına jasaý salasynda, qalalardy jaryqtandyrý jáne tramvaı parkin qaıta jaraqtaý isinde qanattasa jumys isteýge qyzyǵýshylyq tanytyp otyr. Elshi Rýdolf Gıkle azamattyq qorǵanys salasynda baılanys ornatyp, ShQO-ǵa ýltrajeńil ushaqtar men sıgnaldy jaryq quraldaryn jetkizý, tramvaı vagondaryn jasaý boıynsha usynystar aıtty», - delingen oblys ákimdiginiń baspasóz qyzmeti taratqan aqparatta.
Kezdesý barysynda Chehııa elshisi Shyǵys Qazaqstannyń týrıstik áleýeti zor ekenin atady.