Chehııa premer-mınıstri Prjevalskıı jylqysynyń qulynyna kindik áke boldy
PRAGA. QazAqparat – Pragada Chehııa premer-mınıstri Petr Fıala Prjevalskıı jylqysynyń qulynyn shoqyndyryp, bir aılyq bıege Barýnka dep at qoıdy. Fıala qulynnyń kindik ákesi ǵana emes, bárinen buryn ol - Praga haıýanattar baǵy uıymdastyrǵan sońǵy jabaıy jylqylardy Qazaqstanǵa qaıtarý jobasynyń qoldaýshysy, dep habarlaıdy QazAqparat.
«Kóptegen jyl boıy Chehııa Prjevalskıı jylqylaryn qutqarýǵa kómektesti. Osy jolda Praga haıýanattar baǵynyń kómegi zor boldy. Dırektor Bobek Praga haıýanatar baǵy men Qazaqstan Respýblıkasy ekologııa mınıstrligimen birlesip jumys isteý týraly memorandýmǵa qol qoıǵanda men ózim sol jerde bolyp, kýáger atandym. Onda Orta Azııa aýmaǵynda, onyń ishinde Qazaqstanda Prjevalskıı jylqylarynyń popýlıatsııasyn keńeıtýge qatysatynymyz jazylǵan. Qazir men Dıvchı Gradehte dúnıege kelgen alǵashqy qulyndy shoqyndyrý múmkindigine ıe bolǵanyma qýanyshtymyn, sebebi dál osy Barýnka bolashaqta ata-babasynyń ólkesine – Qazaq dalasyna barady dep oılaımyn» - dedi Chehııa premer-mınıstri Petr Fıala shoqyndyrý kezinde.
Praga haıýanattar baǵynyń dırektory Mıroslav Bobek shoqyndyrýǵa oraı Praga haıýanattar baǵy Prjevalskıı jylqylaryn Mońǵolııaǵa qaıtara jersindirý protsesine qatysyp jatqanyn eske saldy. Haıýanattar baǵy osy qyzmetiniń arqasynda Dúnıejúzilik haıýanattar baǵy men akvarıýmdar qaýymdastyǵynyń eń úlken WAZA Conservation Award marapatyna ıe boldy.
