Chehııa, Polsha jáne Majarstanda koronavırýs juqtyrǵandar sany artty

LONDON. QazAqparat – Aýrýdyń ósýin tejeý úshin Chehııada mektepter men dúkenderdiń kópshiligi ótken dúısenbiden bastap jabyldy. Chehııa Eýropada aýrýǵa shaldyǵý deńgeıi boıynsha kósh bastap tur. Sońǵy 14 kúnde mıllıon adamǵa shaqqanda 15 myń aýrý juqtyrý jaǵdaıy tirkelgen, dep habarlaıdy QazAqparat VVS agenttigine silteme jasap.

Ulybrıtanııada bul kórsetkish mıllıon adamǵa shaqqanda 1440 jaǵdaıdy quraıdy.

Polshada sársenbi kúni úkimet qarashanyń aıaǵynan bastap koronavırýs juqtyrǵandardyń eń kóp statıstıkasyn tirkedi. Bir kúnde 17 260 jaǵdaı anytalǵan.

Basqa kórshilerde de jaǵdaı osyǵan uqsaq. Majarstanda aýrýǵa shaldyǵýdyń jańa jaǵdaılarynyń sany jeltoqsandaǵy eń joǵary kórsetkishpen teńeldi.

Munda kúnine 6 myńnan astam adam aýyrady.

Mundaǵy ólim-jitim deńgeıi de eń joǵary. Eldiń premer-mınıstri Vıktor Orban aýrýhanaǵa jatýshylar sany 8 myńnan 20 myńǵa deıin jetýi múmkin dep eskertti.

Majarstan Reseıdiń «Spýtnık V» vaktsınasyn qoldanýdy maquldaǵan EO-nyń alǵashqy eli boldy, halyqtyń shamamen 10%-y vaktsına aldy.

Slovakııada da ólim men ınfektsııa juqtyrýdyń jańa jaǵdaılary turaqty túrde ósýde.

Seısenbide eldiń premer-mınıstri Igor Matovıch EO-nyń dári-dármek agenttigine ómirge qaýip tónip turǵanyn eskertip, reseılik vaktsınany maquldaýdy tezdetýge shaqyrdy.

Buǵan deıin Matovıch EO úkimin kútpesten jáne alıanstaǵy kórshilerge eskertýsiz eki mıllıon doza «Spýtnık V» satyp alǵan.

Frantsııada ıntensıvti terapııadaǵy naýqastardyń sany azaıǵan joq, sársenbide taǵy 264 adam qaıtys boldy.

Bılik aýrýhanalardaǵy jaǵdaı óte alańdatarlyq deıdi, biraq olar jappaı vaktsınatsııalaý jolyndamyz dep halyqty sendiredi.

Vaktsınatsııa bastalǵannan beri Frantsııadaǵy 67 mıllıon adamnyń tek 2 mıllıony ǵana vaktsınatsııalanǵan.

Ispanııada aýrýǵa shaldyǵýdyń jańa jaǵdaılarynyń sany kúrt tómendedi. Qańtar aıynyń sońynda munda 10 naýryzda tek 153 jaǵdaı ǵana tirkeldi.

Ispan dárigerleri eńbek jaǵdaılaryn jaqsartýdy talap etip, ereýilge shyqty. «Biz ábden toıdyq» degen uranmen dárigerler 35 saǵattyq jumys aptasyna jetý jáne túngi aýysymdardyń sanyn azaıtý úshin kóshege shyqty.

Italııada kún saıyn tirkeletin jańa aýrý juqtyrýshylar sany aqpan aıynyń ortasynan bastap óse bastady jáne búginde 22 409-ǵa jetti.

Pandemııa bastalǵannan beri munda 100 811 adam koronavırýstan qaıtys boldy.

Pandemııa saldarynan Italııada ortasha ómir súrý uzaqtyǵy 2020 jyly shamamen 82,3 jylǵa deıin qysqardy, dep habarlady sársenbide Istat Ulttyq statıstıka basqarmasy.

2019 jyly Italııa osy kórsetkish boıynsha Eýropalyq Odaqta birinshi orynda turǵan edi.