Chehııa kásipkerleri Qazaqstandy nanotehnologııa salasynda birlesip jumys isteýge shaqyrdy
ASTANA. QazAqparat - Búgin Almatyda qala ákimi Baýyrjan Baıbek jáne Chehııa Respýblıkasynyń Syrtqy ister mınıstri Lıýbomır Zaoralek qatysqan qazaqstandyq- chehııalyq bıznes forým ótti.
Qala ákimdigi saıtynyń habarlaýynsha, shara barysynda taraptar eki jaqty yntymaqtastyqty odan ári damytýdy, eki el kásipkerleriniń ózara baılanysyn nyǵaıtýdy talqylady.
Almaty ákimi qalanyń chehııalyqtarmen saýda- ekonomıkalyq jáne ınvestıtsııalyq yntymaqtastyqty kúsheıtýge yntaly ekendigin jetkizdi. «Almaty elimizdiń ekonomıkasynyń besten bir bóligin qalyptastyrady. Bul - shıkizatsyz ekonomıkanyń bıznesi men jeke kapıtalynyń qalasy. Servıs pen saýda JÓÓ-diń 86% -yn quraıdy, munda halyqaralyq uıymdar men transulttyq kompanııalardyń 60-tan asa kepńsesi ornalasqan. Bankterdiń 90% -da osynda. Búkilálemdik «Doing Business» bankiniń retıngisinde Almatynyń kórsetkishi boıynsha Qazaqstan 35 oryndy ıelendi», - dedi ákim.
L.Zaoralek arnaıy delegatsııanyń Qazaqstanǵa at basyn burýynyń ózi chehtyq kásipkerlerdiń osynda bıznes jasaýǵa yntaly ekendigin kórsetedi dedi. «Bizdiń elimiz nanotehnologııada jetekshi orynda jáne baǵdarlamalar jasaý salasy damyǵan. Ǵylymı- zertteý salasynda yntymaqtastyqty arttyrý mańyzdy», - dedi Chehııa mınıstri.
Shara barysynda eki el kásipkerleri forýmnyń negizgi bóliginen soń ótken V2V boıynsha kezdesýde jaqyn tanysty.
