Chehııa halqynyń sany jyldan-jylǵa azaıyp barady

ASTANA. KAZINFORM — Chehııada 2025 jyldyń alǵashqy alty aıynda halyq sany 27 myńnan astam adamǵa azaıdy, dep jazdy AZERTADJ.

Chehııanyń statıstıka basqarmasy (ČSO) taratqan aqparatqa saı, qazirgi tańda elde shamamen 10,88 mıllıon adam turady.

Halyq sanynyń azaıýyna jańa týǵan sábı óliminiń artýy sebep bolǵan. Qańtardan maýsymǵa deıin elde shamamen 60 myń adam qaıtys bolsa, dúnıege kelgenderdiń sany 40 myńǵa da jetpegen. Naqty aıtqanda, jarty jyl ishinde 37,4 myń bala týǵan, bul ótken jylmen salystyrǵanda 4,9 myńǵa az. Osylaısha, týý kórsetkishi 12 paıyzǵa tómendegen.

ČSO bul jaǵymsyz demografııalyq tendentsııa sońǵy tórt jyl boıy jalǵasyp kele jatqanyn atap ótti.

Sonymen qatar, kóshi-qon ósiminiń tómendeýi de jaǵdaıdy ýshyqtyryp otyr. 

Eseptik kezeńde Chehııaǵa 49,6 myń adam kelgen, bul ótken jylmen salystyrǵanda 9,6 myńǵa az.

Sonymen birge, elden 56,4 myń adam ketken, nátıjesinde kóshi-qon balansy teris bolyp, Chehııa shamamen 6,9 myń adamynan aıyryldy.

Statıstıka basqarmasy bul kórsetkishtiń sheteldikterge berilgen ýaqytsha turýǵa ruqsat merziminiń aıaqtalýymen baılanysty ekenin naqtylady – keıbir shetel azamattarynyń qujattary tamyz aıynyń sońynda kúshin joıǵan.

Kelýshiler men elden ketkenderdiń basym bóligi — Ýkraına azamattary.

Budan bólek, mamandar 2024 jyldyń sáıkes kezeńimen salystyrǵanda neke sanynyń da aıtarlyqtaı azaıǵanyn tirkegen.

Buǵan deıin habarlanǵandaı, Chehııada jalǵyzbasty muqtaj ata-analardyń sany artyp keledi.