Chehııa halqynyń sany 10,9 mıllıonǵa deıin qysqardy
ASTANA. KAZINFORM - Chehııa halqynyń sany 2026 jyldyń alǵashqy jartyjyldyǵynda 12,2 myń adamǵa azaıyp, maýsym aıynyń sońynda 10,9 mıllıon adamdy qurady, dep habarlaıdy AZERTAC.
Halyq sanynyń azaıýyna negizgi sebep tabıǵı kemý boldy. Qaıtys bolǵandar sany dúnıege kelgender sanynan edáýir asyp túsken. Bul rette kóshi-qon saldosy oń kórsetkish kórsetti.
Jyldyń alǵashqy alty aıynda Chehııada 36,5 myń bala dúnıege kelgen. Bul ótken jyldyń sáıkes kezeńimen salystyrǵanda 5% az. Al qaıtys bolǵandar sany 1% azaıyp, 57,6 myń adamdy qurady.
Kóshi-qon ósimi 8,9 myń adam boldy. Jarty jyl ishinde elge 53,9 myń adam kelgen, al 45 myń adam Chehııadan ketken. Kóship kelgenderdiń arasynda Ýkraına azamattary basym boldy.
Halyq sany azaıǵanyna qaramastan, Chehııada tirkelgen nekeler sany artty. Birinshi jartyjyldyqta 18,5 myń jup nekege turǵan. Bul ótken jylmen salystyrǵanda 500 jupqa kóp.
Ásirese maýsym aıynda neke sany joǵary boldy. Osy aıda 9,5 myń neke tirkelgen. Bul sońǵy tórt jyldaǵy maýsym aılaryndaǵy eń joǵary kórsetkish boldy.
Osyǵan deıin Túrkııa halqy qartaıyp bara jatqany týraly jazdyq.
Al Qazaqstan halqynyń sany 1 tamyzda 20 604 819 adamǵa jetti.
