Chehııa Eýroodaqta 150 km/saǵ jyldamdyq shekteýin engizgen alǵashqy el bolýy múmkin

ASTANA. KAZINFORM — Chehııa eksperıment retinde avtomobıl jolynyń bir bóliginde jyldamdyqty asyrýdy josparlap otyr, dep habarlaıdy Bild. 

Jergilikti bıliktiń habarlaýynsha, júrgizýshiler Tabor men Cheske-Býdeıvıtse qalalary arasyndaǵy 50 shaqyrymdyq jol bóliginde 150 km/saǵ jyldamdyqpen júre alady.

Jańa jyldamdyqty shekteý qyrkúıek aıynyń sońynda synaq retinde engiziledi dep josparlanyp otyr. «150 km/saǵ» shegi bar elektrondy belgiler aýa raıynyń qolaıly jaǵdaıynda jáne joldar bos kezde ǵana qosylady. Jańbyr, qar nemese basqa da qolaısyz aýa raıy jaǵdaıynda júıe jyldamdyqty 20 km/saǵ-qa deıin avtomatty túrde azaıtady.

Qazirgi ýaqytta Chehııa joldaryndaǵy jalpy jyldamdyq shegi — 130 km/saǵ. Aıta keteıik, mundaı eksperımentter Eýropada buryn da júrgizilgen: Aýstrııada 2018 jyldan 2020 jylǵa deıin Vena men Zaltsbýrg arasynda jyldamdyqty 140 km/saǵ-qa deıin shekteý synaqtan ótkizildi, biraq kómirqyshqyl gazynyń shyǵarylýynyń joǵarylaýyna baılanysty jobany sol kezdegi Klımat isteri mınıstri Leonora Gvessler toqtatty.

Eske sala keteıik, Danııadan Germanııaǵa deıin joǵary jyldamdyqty týnnel salynyp jatyr.