Chehııa azamatshasyn tonaǵandar ustaldy - Astana ІІD
ASTANA. 26 qarasha. QazAqparat - Elorda polıtsııasynyń qyzmetkerleri qylmystyń izin sýytpaı Chehııa Respýblıkasynyń azamatshasyn tonaýǵa qatysqan úsh adamdy ustady,
dep habarlady Astana qalasynyń ІІD baspasóz qyzmetinen.
Astana qalasynyń ІІD «Saryarqa» aýdany ІІB tártip saqshylarynyń aqparaty boıynsha, shamamen 17.00 kezinde Chehııa azamatshasy aqsha aıyrbastaý pýnktteriniń birinde iri kólemdegi aqshasyn aıyrbastap, «Shkoda» markaly kóligine otyrǵan. Ol ornynan qozǵalyp úlgergenshe, mashına salonyna betinde maskasy bar er adam kirip úlgergen. Áıeldiń aqsha toly sómkesi men jeke zattaryn tartyp alǵan álgi izin jasyrǵan.
Shuǵyl túrde oqıǵa ornyna jetken polıtsııa qyzmetkerleri urlyqshylardyń úsheý ekendigin anyqtady. Jedel izdeý sharalarynyń barysynda tártip saqshylary qylmyskerlerdiń izine túsip, olardy ustady. Zattaı aıǵaqtar tárkilendi.
Tergeý barysynda ustalǵandardyń kim ekendigi anyqtaldy. Jumys istemeıtin,20 jáne 22 jas aralyǵyndaǵy qaraqshylardyń basqa oblystarda turatyndyǵy jáne munda ýaqytsha kelgeni belgili boldy.
Quryqtalǵandardyń sózine qaraǵanda, urlyq jasaýǵa qolaıly sátti kútken. Aqsha aırbastaý pýnktinde aqsha aýystyrǵan áıeldi kórgen olar ony tonamaq bolǵan. Salonnan sómkeni alyp shyqqan soń oqıǵa ornynan izderin jasyryp, keıinnen aqshany 350000 teńgeden bólip alǵan.
Atalǵan fakti boıynsha QR QK 178-babyna sáıkes qylmystyq is qozǵaldy.
Ustalǵandar Astana qalasynyń ІІD ýaqytsha ustaý oqshaýlaǵyshyna qamaldy.
