Chehııa astanasyndaǵy ýnıversıtette bolǵan atystan adamdar ólip, birqatary jaraqattandy

Chehııa polıtsııasy Praga qalasynyń ortalyǵyndaǵy Karlov ýnıversıtetinde atys bolyp jatqanyn habarlady.

Bul týraly Kazinform BBC agenttigine silteme jasap habarlaıdy. 

Aldyn ala málimetter boıynsha, mert bolǵandar da jaraqat alǵandar da bar. Alaıda ázirge olardyń naqty sany belgisiz.

Oqıǵanyń Pragadaǵy ıAn Palah alańynda ornalasqan Karlov ýnıversıtetiniń óner fakýltetiniń mańynda bolǵany habarlandy.

Qazirgi tańda atalǵan alań men onymen kórshiles aýdandy polıtsııa qorshaýǵa aldy.

Polıtsııanyń habarlaýynsha, oqıǵa áli jalǵasýda. Jergilikti turǵyndarǵa oqıǵa ornyna jaqyndamaýǵa jáne úıden shyqpaýǵa shaqyryp jatyr.

Karlov ýnıversıteti oqytýshylarynyń biri Sergeı Medvedev óziniń Facebook paraqshasynda oqıǵanyń kýágeri bolǵanyn jazdy.

«Adam sengisiz jaǵdaı, tynysh qala sanalatyn Pragada bizge oq atyp jatyr. Men ýnıversıtette lektsııa oqyp jatqanmyn, ǵımaratta atystyń daýsy shyqqanda terezeler syqyrlap ketti. Artynan aıqaı-shý bolyp, aýdıtorııaǵa arnaıy jasaq sarbazdary kirip keldi, olar ǵımaratty tekserip shyqty. Biz aýdıtorııada jasyrynyp otyrdyq»,-dep jazdy Medvedev.  

Vyzýváme občany, aby se v blízkém okolí nezdržovali a nevycházeli z domu. Zásah policie stále pokračuje. pic.twitter.com/OHnSsq4G5f

— Policie ČR (@PolicieCZ) December 21, 2023