Chehııa 2050 jylǵa deıin 6 shaǵyn ıadrolyq reaktor ornatýdy josparlap otyr
ASTANA. KAZINFORM – Chehııanyń jartylaı memlekettik energetıkalyq kompanııasy CEZ men brıtanııalyq Rolls-Royce SMR jańa reaktorlardy ázirleý jáne salý týraly kelisimderge qol qoıdy. Temelında alǵashqy synaq shaǵyn atom elektr stansasy josparlanǵan, dep habarlaıdy Kazinform BILD basylymyna silteme jasap.
BILD basylymynyń habarlaýynsha, Rolls-Royce kompanııasy ıadrolyq reaktorlar men sýasty qaıyqtaryna arnalǵan qozǵaltqysh júıelerin ázirleý salasynda mol tájirıbege ıe. CEZ kompanııasy 2050 jylǵa deıin kómirmen jumys isteıtin elektr stantsııalarynyń ornyna 6 shaǵyn ıadrolyq reaktor ornatýdy josparlap otyr. Bul jobanyń maqsaty – energııa kózderin jańǵyrtyp, ekologııalyq taza óndiristi damytý.
Chehııanyń Ónerkásip jáne saýda mınıstri Karel Havlıchek Pragada Ulybrıtanııanyń Ekonomıka mınıstri Pıter Kaılmen kezdeskennen keıin eýropalyq naryqqa birlesip shyǵý nıetin jarııalaǵany atap ótildi. Bul basqa jerde shaǵyn atom elektr stantsııalaryn salýǵa jol ashýy múmkin.
Eske sala keteıik, buǵan deıin Chehııada dızel otynynyń baǵasy keıingi 4 jyldaǵy eń joǵary deńgeıge jetkenin jazǵanbyz.
