Chehııa 2030 jylǵa deıin JІÓ-niń 3%-yn qorǵanysqa bólýdi josparlap otyr

ASTANA. KAZINFORM — Chehııa NATO-nyń maýsym aıyndaǵy kelisimderi aıasynda qorǵanysqa bólingen JІÓ-niń 1,5 paıyzy kólemindegi qarajattyń kóp bóligin ıgerip úlgerdi, dep habarlaıdy AZERTADJ.

Bul týraly Pragada ótken elshiler kezdesýinde syrtqy ister mınıstri ıAn Lıpavskıı málimdedi. Onyń aıtýynsha, ótken jyly qorǵanys shyǵyndary JІÓ-niń shamamen 1,28 paıyzyn qurady, al aldaǵy ýaqytta bul kórsetkish jyl saıyn shamamen 0,2 paıyzǵa ósedi.

Gaagadaǵy sammıtte NATO odaqtastary 2035 jylǵa deıin qorǵanys shyǵyndaryn JІÓ-niń 3,5 paıyzyna deıin jetkizýge jáne áskerı emes jobalarǵa qosymsha 1,5 paıyz bólýge mindetteldi.

Chehııa alǵash ret ótken jyly JІÓ-niń 2 paıyzy deńgeıine jetti, al 2030 jylǵa deıin bul kórsetkishti 3 paıyzǵa deıin jetkizýdi josparlap otyr.

ıAn Lıpavskıı qosymsha ınvestıtsııalar tek armııaǵa ǵana emes, sonymen qatar ekonomıkaǵa da paıda ákeletinin atap ótti: qarajat ınfraqurylymǵa, kıberqaýipsizdikke, zertteýler men ınnovatsııalarǵa baǵyttalady.

Onyń sózinshe, Eýropanyń birtindep qarýlanýy cheh ónerkásibi men eksporttyq kompanııalary úshin jańa múmkindikter ashady.

Osydan buryn Chehııada azamattardyń atys qarýyna degen qyzyǵýshylyǵy kúrt óskeni habarlandy.