Chehııa 20 jylda Qazaqstanǵa 350 mln dollar tikeleı ınvestıtsııa salǵan
ASTANA. KAZINFORM – Premer-mınıstrdiń orynbasary – Syrtqy ister mınıstri Murat Nurtileýmen Cheh Respýblıkasynyń Syrtqy ister mınıstri ıAn Lıpavskımen kezdesýden keıin BAQ ókilderine ekijaqty ýaǵdalastyqtyń basym baǵyttaryn atady.
«Chehııa – ózara taýar aınalymy boıynsha Eýropa aýmaǵyndaǵy eń iri on saýda seriktesimizdiń biri. Atap aıtsaq, byltyr saýda kólemi eki ese ósip 630 mln dollardan asyp tústi. Sońǵy 20 jylda Chehııadan el ekonomıkasyna tartylǵan tikeleı ınvestıtsııa kólemi 350 mln dollardan asqanyn qanaǵat sezimmen aıtýǵa bolady. Bul turǵyda alys-berisimizdi ári qaraı arttyryp, ózara tıimdi jobalar men bastamalardy ilgerilete berýge daıyn ekenimizdi qýattadyq», - dedi ol.
Mınıstrdiń sózinshe, Qazaqstan naryǵynda Škoda Auto, Tatra, Home Credit sııaqty chehııalyq jetekshi kompanııalar belsendi ári tabysty qyzmet atqaryp júr.
«Jalpy eki el arasyndaǵy mashınajasaý, energetıka, kólik, ІT, aýyl sharýashylyǵy, farmatsevtıka, áskerı tehnıka jáne jańa tehnologııa salalaryndaǵy jumysty jalǵastyrýǵa kelistik. Buǵan qosa saýda-ekonomıkalyq yntymaqtastyǵymyzdyń kúre tamyry – kólik tranzıttik áriptestikti de damytýǵa sóz baılastyq. Osy turǵyda mańyzdy strategııalyq saýda joldarynyń birine aınalǵan Transkaspıı halyqaralyq kólik baǵytynyń zor áleýetine toqtaldyq. Naqty aıtqanda, Azııadan Eýropaǵa qurlyqpen tasymaldanatyn júktiń 80 paıyzy Qazaqstan arqyly ótetinin jaqsy bilesizder. Jaqyn arada ony taǵy da ulǵaıtyp, kólemin 10 mln tonnaǵa jetkizý týraly josparymyz bar», - dedi Murat Nurtileý.
Eske sala keteıik, Chehııa Syrtqy ister mınıstriniń Qazaqstan-Chehııa yntymaqtastyǵynyń áleýeti zor ekenin aıtqanyn jazǵan edik.
