Cheh taýlarynan quny 340 myń dollar turatyn altyn qazyna tabyldy

ASTANA.KAZINFORM — Chehııanyń Gradets-Kralove qalasyndaǵy Shyǵys Bogemııa mýzeıi HH ǵasyrdyń altyn qazynasy tabylǵanyn jarııalady. Onyń quny 340 myń AQSh dollarynan asady, dep habarlaıdy AZƏRTAC.

Aqpanda týrıster toby eldiń soltústik-shyǵysyndaǵy Krkonoshe taýynyń etegin zertteý kezinde alıýmınııden jasalǵan jáshik taýyp alady. Onyń ishinen 11 bólek úıindige muqııat bólingen, juqa qara mataǵa oralǵan 600 altyn tıyn shyqqan. Janynan ekinshi jáshik tabylyp, onyń ishinen 16 portsıgar, 10 bilezik, taraq, shynjyr men qaptamalar tabylǵan. Barlyǵy sary metaldan jasalǵan, naqty quramyn zertteý alda.

Salmaǵy 7 keliden asatyn qazyna tez arada Shyǵys Bogemııa mýzeıine berilgen. Arheologtar sol kezden beri ony zerttep jatyr. Tıyndar Frantsııa, Belgııa, Reseı, Italııa, Rýmynııa, Avstro-Vengrııa men Osman ımperııasynan shyqqan. Qyzyǵy, nemis jáne chehoslovakııalyq tıyndar joq.

Kópshiligi frantsýz tıyndary, al jalpy qazyna 1808–1915 jyldar aralyǵyna jatady. Erekshe jaıt — Avstro-Vengrııa tıyndary ıÝgoslavııada 1921 jyly qaıta shyǵarylǵany kórsetilgen.

— Qazyna jer astynda júz jyldan astam ýaqyt jatqan. 1921 jyly bul tıyndar Chehııa jerinde bolmaǵany da anyq. Olar sol kezde Balqanda bolǵan bolýy múmkin, — dedi mýzeıdiń tıyndar jónindegi mamany Voıteh Bradl.

Mamandar qazynanyń jasyrylý sebepteri ártúrli bolýy múmkin ekenin aıtady: bul 1938 jyly Ekinshi dúnıejúzilik soǵys qarsańynda, nemese soǵys kezindegi evreıler men chehtardyń deportatsııasy kezinde, ne 1945 jyldan keıin nemisterdi elden shyǵarý barysynda jasyrylǵan bolýy yqtımal. Taǵy bir boljam — 1953 jylǵy Keńes Odaǵy engizgen aqsha reformasyna baılanysty.

— Qundy zattardy jerge kómý kóne dáýirden beri jalǵasyp kele jatqan tájirıbe. Bul jerde tıyndardyń quny emes, olardyń altyn bolǵany mańyzdy, — deıdi mýzeıdiń arheologııa bóliminiń basshysy Mıroslav Novak.

Qazyna áli de zerttelip jatyr, al mýzeı bolashaqta ony kópshilikke kórsetý úshin ekspozıtsııa uıymdastyrmaq.