Cheh parlamentarııi Qazaqstan Prezıdenti Joldaýyn bolashaqqa kópir dep atady
ASTANA. QazAqparat - Qazaqstan Prezıdentiniń Joldaýy - bul aǵymdaǵy jahandyq syn-qaterlermen kúres jospary emes. Ol «Strategııa-2050» baǵdarlamasy maqsattarymen úndesetin bolashaqqa degen senimdi kópir. Mundaı pikirdi Chehııa Parlamenti palatasy tóraǵasynyń orynbasary Voıteh Fılıp bildirdi.
«Ekinshi jańǵyrý Qazaqstannyń 2030 jylǵa deıingi damý strategııasynyń qabyldanýymen bastaldy. Endigi ýaqytta barsha qazaqstandyqqa «Úshinshi jańǵyrýdy» bastaýǵa qaraı batyl qadam basý qajet. Ol boljanyp otyrǵandaı, «100 naqty qadam» ult josparynyń negiziginde júrgiziletindigi sózsiz», - dedi cheh parlamentarııi.
Voıteh Fılıptiń atap ótýinshe, el Prezıdentiniń Qazaqstan halqyna jyl saıynǵy Joldaýy respýblıkalyq kez kelgen turǵyny úshin mańyzdy oqıǵa sanalady. Árbir adam odan ózi úshin basty baǵyttardy tabady. Aǵymdaǵy jylǵy Joldaý bul buǵan deıingi Joldaýlarda belgilengen mindetterdi oryndaý.
«Prezıdent Nursultan Nazarbaevtyń bul jolǵy Joldaýy Qazaqstannyń bolashaqtaǵy damýynda mańyzdy rólge ıe. Qazaqstan júktelgen barlyq mindetti júzege asyrýda zor tabysqa jeterine senimdimin. Basty máselelerdiń barlyq spektry boıynsha Ult kóshbasshysy júktep otyrǵan memlekettik saıasattyń strategııalyq baǵyttary azat ári gúldengen Qazaqstandy qurý maqsatyna qol jetkizýdiń jańa kezeńine aınalatyndyǵyna esh kúmánim joq», - dedi ol.
