Cheh klýbynyń fýtbolshysy qarsylas komanda qaqpashysyn ajaldan qutqardy
ASTANA. QazAqparat - Chehtyń «Slovatsko» klýbynyń shabýylshysy Fransıs Kone Chehııa chempıonatynyń 18-týry matchynda tilin tistep qalǵan «Bogemıans 1905» qaqpashysy Martına Berkovetsti ajaldan aman alyp qaldy.
Qaqpashy óz komandasynyń qorǵaýshysymen soqtyǵysyp, esinen tana qulaǵan. Onyń tunshyǵýy ábden múmkin edi, biraq «Slovatsko» shabýylshysy Fransıs Kone zardap shegýshige der kezinde kómek kósete bildi.
Soqtyǵysqan jerge kelgen dárigerler golkıperdi aýrýhanaǵa alyp ketti. Berkovets onda túni boıy bolyp, tańerteń Facebook arqyly Konege der kezinde kórsetken kómegi úshin alǵys aıtty.
Kezdesý senbi, 25 aqpanda ótti. Jáne 0:0 esebimen aıaqtaldy.
