«Chechenfılm» kınostýdııasy alǵashqy týyndysyn kórermenine usyndy
ASTANA. QazAqparat - Sheshenstannyń «Chechenfılm» kınostýdııasy alǵashqy ónimin óz kórermenine usyndy. Kınostýdııanyń alǵashqy týyndysy 12 serııadan turatyn «Degan az» (Júrek qalaýy) dep atalatyn kórkem fılm, dep jazady «TASS» agenttigi.
«Fılm dosqa adaldyq, din tazalaǵy týraly. Fılmniń basty keıipkeri óz ómirin qaýipke tige otyryp, dosy men súıgen jaryn qorǵaıdy. Kınodan ómirdiń qıly soqpaǵyna túsken keıipkerdiń barlyq qıyndyqty ózine adal jandarmen birigip jeńip shyqqanyn kóremiz», - deıdi fılm rejısseri Beslan Terekbaev.
Rejısserdiń aıtýynsha, qazirgi ýaqytta «Chechenfılm» kınostýdııasy barlyq tehnıkalyq bazamen jabdyqtalǵan. Bul jaǵynan alǵanda kınostýdııa Soltústik Kavakazdaǵy sapaly týyndylar shyǵara alatyn birden bir kompanııaǵa aınalyp otyr. Sondaı-aq, «Chechenfılm» balama kınostýdııalardan anaǵurlym arzan kıno túsiredi. Qazirgi ýaqytta ınvestorlar tartý jumystary qolǵa alynǵan. Sol úshin sheshen kınematograftarynyń qory da qurylypty.
