Chaıkovskıı atyndaǵy XV halyqaralyq baıqaýdyń Gran-prı júldesin mońǵol ánshisi ıelendi
ASTANA. QazAqparat - P.I.Chaıkovskıı atyndaǵy XV Halyqaralyq baıqaýdyń jeńimpazy mońǵol ánshisi Ganbaatar Arıýnbaatar óziniń altyn medaline bul synnyń bas júldesin de qosyp aldy. Marapattaý rásimi laýreattardyń kontsertine ulasty. Olar Sankt-Peterbordaǵy Marıın teatrynyń Jańa sahnasynda óner kórsetti, dep habarlady TASS.
Bıyl baıqaý Gran-prıiniń syıaqy mólsheri $100 myń qurady. Bul baıqaý tarıhyndaǵy eń úlken soma.
Baıqaý statıstıkasy boıynsha 30 myńnan astam adam tyńdaldy. Al baıqaý saıtyna bıyl 10 mln-nan astam adam kirdi.
Gala-kontsertke barlyq tórt óner ıeleri: laýreat pıanıster, skrıpkashylar, vıolonchelshiler jáne ánshiler qatysty.
Petr Ilıch Chaıkovskııdiń 175 jyldyǵynda arnalǵan baıqaý Máskeý men Sankt-Peterborda 15 maýsymnan 30 maýsymǵa deıin ótti. Onyń laýreattary Eýropa, Azııa jáne Amerıkanyń 14 elinen kelgen pıanıster, skrıpkashylar, vıolonchelshiler jáne ánshiler boldy.
