Chaves nelikten Alvarestiń Golovkınmen jekpe-jek ótkizbeıtinin túsindirdi
ASTANA. QazAqparat - Orta salmaqtaǵy burynǵy álem chempıony kishi Hýlıo Sezar Chaves óziniń otandasy Saýl "Kanelo" Alvarestiń nege eshqashan Golovkınmen judyryqtaspaıtynyn túsindirip berdi, - dep habarlaıdy Vesti.kz.
"Kanelonyń" Golovkındi jeńetin múmkindigi bar dep oılaıtynmyn, biraq, qazir ol oıym ózgerdi. Óıtkeni "Kanelo" onymen sparrıng ótkizdi de, myqtylyǵyn sezdi. Alvares Golovkındi jeńe almaıtynyn túsindi, onyń ústine ol kishirek. Golovkın rasymen jaqsy boksshy. Ol Olımpıadanyń kúmis júldegeri jáne kúshi myǵym. Boksshy retinde ol Alvaresten myqty, fızıkalyq daıyndyǵy da jaqsy jáne naǵyz orta salmaqtyń adamy", - deıdi Chaves ESNews basylymyna bergen suhbatynda.
Eske salaıyq, 6 mamyrda kishi Chaves Las-Vegas qalasynda "Kanelomen" judyryqtasady. Bul jekpe-jek 164,5 fýnt aralyq salmaqta ótedi.
Sonymen qatar, Alvares osy jekpe-jekten keıin Golovkın judyryqtasyp júrgen orta salmaqqa ótetinin aıtqan. Taraptar qyrkúıekte jekpe-jek ótkizý jaıynda kelissóz júrgizip jatyr.
