Chaves «Kanelony» qulatyp tastaýy da múmkin
ASTANA. QazAqparat - Gennadıı Golovkınniń bapkeri Abel Sanches alda bolatyn Saýl "Kanelo" Alvares pen kishi Hýlıo Sezar Chaves arasyndaǵy jekpe-jek týraly oı bólisti, dep habarlaıdy Vesti.kz.
Sanchestiń oıynsha, bul jekpe-jek "Kaneloǵa" aýyr tıedi, degenmen, ol jas jáne qolynyń jyldamdyǵymen jeńiske jetedi.
"Bul Alvares úshin ońaı jekpe-jek bolmaıdy. Hýlıo ony biraz qorqytyp, qulatyp tastaýy da múmkin. Bir jerin aýyrtyp qoıý da yqtımal. Biraq Alvares jas jáne qolynyń jyldamdyǵy bar, bul jaǵdaı Chaves úshin qıyndyq týdyrary sózsiz", - dep keltiredi Sanchestiń sózin "Chempıonat" BoxingScene basylymyna silteme jasap.
"Kanelo" men Chaves te Golovkınge qarsylas bolýy múmkin ekeni aıtylyp júr. Alvares 2016 jyly qazaqstandyq boksshymen kezdesýi kerek edi, alaıda, ol WBC belbeýin jekpe-jeksiz bere salǵan bolatyn.
Al Alvares pen Chavestiń jekpe-jegi 6 mamyrda Las-Vegasta ótedi.
