ChatGPT iri jańalyq basylymdarynyń kontentine qol jetkize alady
ASTANA. KAZINFORM – OpenAI kompanııasy News Corp medıa konglomeratyna tıesili keıbir iri jańalyqtar basylymdarynyń kontentine qol jetkizýge múmkindik beretin kelisim jasady, dep jazady Reuters.
Kelisim OpenAI-ge Wall Street Journal, MarketWatch, The Times jáne taǵy basqa basylymdardyń aǵymdaǵy jáne muraǵattalǵan mazmunyna qol jetkizýge múmkindik beredi.
Bul kelisim Financial Times Open AI-men jasandy ıntellekt modelderin ázirleý kontentin lıtsenzııalaý týraly kelisimge qol qoıǵannan birneshe apta ótken soń jasaldy. Sondaı-aq, ótken aptada Reddit platformasymen kontentke qol jetkizý týraly kelisim jasaldy.
Mundaı seriktestik JI úlgilerin oqytý úshin mańyzdy jáne dástúrli túrde kontentti taratýdan tabys tabatyn ınternet alpaýyttarynan paıdanyń úlesin almaǵan jańalyqtar agenttikteri úshin paıdaly bolýy múmkin ekendigi atalyp ótti.
