ChatGPT-pen jazysýdy sotta paıdalanýǵa bolady

ASTANA. KAZINFORM — ChatGPT-pen jeke áńgimelesý zańdyq kepildiktermen qorǵalmaıdy jáne olardy sot protsesterinde paıdalanýǵa bolady.

Қазақстанда 1 тамыздан бастап ChatGPT-ге жазылу құны ҚҚС-қа байланысты қымбаттайды
Фото: Азертадж

Bul týraly chat-bot ázirleýshisiniń basshysy amerıkalyq komık Teo Vonǵa «This Past Weekend» podkastynda eskertti, dep habarlaıdy Business Insider.

OpenAI kompanııasynyń bas dırektory Sem Altman suhbatynda qupııalyq máselesin «aýqymdy problema» dep atap ótti. Ol terapevttermen, zańgerlermen nemese dárigerlermen júrgiziletin áńgimeler zańdy túrde qorǵalatynyn, al ChatGPT-men bolǵan sóılesýlerdiń qazirgi ýaqytta mundaı quqyqtyq kepildikke ıe emes ekenin aıtty.

— Eger siz ChatGPT-ke «eń qupııa nárseler» týraly aıtyp, sodan keıin sotqa tartylsańyz, biz bul aqparatty berýge májbúr bolýymyz múmkin, — dep eskertti ol.

Business Insider jazýynsha, OpenAI saıasatyna sáıkes ChatGPT kómegimen paıdalanýshy chattary 30 kúnnen keıin serverden birjola joıylady. Alaıda keıde chattar «zańdy jáne qaýipsizdik sebepteri» boıynsha saqtalýy múmkin.

Buǵan deıin Qazaqstanda 1 tamyzdan bastap ChatGPT-ge jazylý quny QQS-qa baılanysty qymbattaıtynyn jazǵan bolatynbyz. 

Сейчас читают