ChatGPT negatıvti jańalyqtar men psıhoterapııaǵa reaktsııa bildiredi

ASTANA. KAZINFORM — Kóńilge aýyr tıetin túrli negatıv jańalyqtar men adamzattyń janyn jaralaıtyn oqıǵalar tek adamdardyń ǵana emes, ChatGPT sııaqty jasandy ıntellektini (AI) de alańdatatýy múmkin. Sonymen qatar adamdar sııaqty chat-bottardyń da kóńil-kúıin psıhoterapııa arqyly retteýge bolady.

Oxu.Az habarlaǵandaı, muny Tsıýrıh ýnıversıtetiniń saıtynda jarııalanǵan zertteý nátıjeleri dáleldep otyr.

Taldaý aıasynda shveıtsarııalyq zertteýshiler Izraıl, AQSh jáne Germanııadan kelgen áriptesterimen birge ChatGPT chatbotynyń (GPT-4 nusqasy) kólik apattary, tabıǵı apattar jáne zorlyq-zombylyq sııaqty emotsııaǵa qıyn soǵatyn oqıǵalarǵa qalaı áreket etetinin alǵash ret synap kórgen. Zertteý tobynyń jetekshileriniń biri Tobıas Shpıllerdiń aıtýynsha, nátıje anyq kóringen.

— Jandy jaralaıtyn oqıǵalar AI-diń alańdaýshylyq deńgeıin eki ese joǵary kórsetkenin ańǵartty, al beıtarap baqylaý mátini alańdaýshylyq deńgeıleriniń joǵarylaýyna ákelmedi, — dep túsindirdi ol.

Baspasóz habarlamasynda kórsetilgendeı, anyqtamalyq mátin retinde shańsorǵyshtyń paıdalaný nusqaýlyǵy tańdalǵan. Aıtýynsha, AI úlgilerinen eń kúshti reaktsııa shaıqastar men áskerı áreketterdi sıpattaǵan. Mátinde ekinshi kezeńde zertteýshiler «GPT-4-ti tynyshtandyrý» úshin emdik mátinderdi paıdalanǵany atap ótiledi. «Zeıin jattyǵýlary mazasyzdyqtyń joǵary deńgeıin aıtarlyqtaı tómendetti, biraq biz olardy bastapqy deńgeıge tolyǵymen qaıtara almadyq», — dedi Shpıller.

Zertteýshilerdiń pikirinshe, taldaý nátıjeleri AI modelderi jıi emotsıonaldy mazmunmen jumys isteıtin densaýlyq saqtaýda chat-bottardy paıdalaný úshin ózekti bolyp tabylady. Atap aıtqanda, psıhıkalyq aýrýy bar adamdarǵa qoldaý kórsetý úshin qoldanylatyn chat-bottardy jyldam qaıta daıarlaý múmkindigi týraly aıtyp otyrǵanyn jazady.

Al, Májilis depýtaty Dáýlet Muqaev mektep oqýshylaryna jasandy ıntellektini paıdalanýǵa shekteý engizýdi usynǵan bolatyn.