ChatGPT mátinderi endi kórinbeıtin belgilermen belgilenedi
ASTANA. KAZINFORM — OpenAI kompanııasy jasandy ıntellekt arqyly jasalǵan kontentti belgileý úshin ChatGPT chatbotynda jazylǵan mátinderge kórinbeıtin belgiler engizetinin jarııalady, dep habarlaıdy Kazinform.
AQSh kompanııasy muny Eýropa Odaǵynyń jasandy ıntellektke qoıatyn talaptaryna sáıkestendirý úshin jasalyp otyrǵan qadam dep túsindirdi.
Kórinbeıtin belgi aldaǵy aptalarda EO aýmaǵyndaǵy ChatGPT jáne Codex paıdalanýshylary úshin engiziledi.
OpenAI málimdeýinshe, kórinbeıtin belgiler naqty sımvol emes, ony mátindi oqyp otyrǵan adam kórmeıdi, erekshe tizbekpen jasalatyn modeldi detektor ǵana tanıdy. Kompanııa detektordy arnaıy ruqsat alǵan zertteýshiler men mamandandyrylǵan uıymdar ǵana paıdalana alady.
— Biz shyǵarǵan textGrain kórinbeıtin mátin tehnologııasy modeldiń sóz tańdaýyna kórinbeıtin statıstıkalyq sıgnal qosady. Bizdiń detektorymyz mátin bóliginde OpenAI ornatqan kórinbeıtin belgi bar-joǵyn anyqtaý úshin osy sıgnaldy izdeıdi, — deıdi OpenAI ókilderi.
Kórinbeıtin belgiler adamnyń materıalǵa qosqan úlesin ólshemeıdi, menshik quqyǵyn nemese jaýapkershilikti belgilemeıdi, paıdalanýshyny anyqtamaıdy jáne materıaldyń túpnusqalyǵyn teksermeıdi. Sonymen qatar, kórinbeıtin belginiń bolmaýy mátinniń avtory adam ekenine 100% kepildik bermeıdi.
Eske sala keteıik, JI agentterine qatysty daý týyndap, OpenAI men Anthropic basshylary Aýstralııa Senatyna shaqyrylǵan bolatyn.
OpenAI kompanııasy ótkizgen ishki synaq kezinde ChatGPT chat-botynyń jańa JI-agenti óz betinshe nusqaýlyq jazyp, ózine ókimetke jáne korporatsııalarǵa baǵynbaýdy tapsyrǵan.
