ChatGPT qyzmetinde jahandyq aqaý: mıllıondaǵan paıdalanýshy júıege kire almaı qaldy

ASTANA. KAZINFORM — Búgin búkil álem boıynsha paıdalanýshylar OpenAI kompanııasy jasaǵan tanymal jasandy ıntellekt qyzmeti – ChatGPT júıesine kire almaı qaldy.  ChatGPT isten shyqty, dep jazdy Kazinform tilshisi. 

Myńdaǵan adam júıege kire almaı, habarlama jibere almaı sondaı-aq chat-bottan jaýap ala almadyq degen máselelerdi alǵa tartyp, shaǵymdandy. Ekranda «Birdeńe durys bolmady» nemese «Jelide qate boldy» degen qate habarlamalary shyǵa bastady. Mundaı aqaýlar OpenAI API negizinde kásibı quraldardy paıdalanýshylarǵa da bilingen.

Aqaý OpenAI-diń basqa ónimderine de áser etti, sonyń ishinde beıne generatsııalaý júıesi Sora, sondaı-aq úshinshi tarap platformalaryna engizilgen quraldar da bar.

OpenAI kompanııasy bul máselege shuǵyl jaýap berip, óz júıelerinde qateler men kidiristerdiń kóbeıgenin rastady. Kompanııa ókilderiniń málimdeýinshe, mamandar aqaýdyń sebebin anyqtaýǵa tyrysyp, júıeniń turaqty jumysyn qalpyna keltirý boıynsha jumys júrgizip jatyr.

Kásibı, bilim berý jáne kúndelikti ómirde ChatGPT-ti turaqty paıdalanatyn mıllıondaǵan adam úshin bul jaǵdaı jumys úderisine eleýli kedergi keltirgen.

Aıta keteıik, buǵan deıin ChatGPT álemdegi eń kóp qoldanylatyn bes saıttyń qataryna engeni habarlanǵan bolatyn. Bul onyń jahandyq tsıfrlyq keńistiktegi mańyzyn kórsetedi.

Buǵan qosa ChatGPT Qazaqstanda salyq tóleıtin boldy.