ChatGPT-den alynǵan aqparatqa tolyq senbeý kerek — maman eskertedi

ASTANA. KAZINFORM – Jasandy ıntellekt eshqashan adamnyń ornyn almastyra almaıdy. Sol úshin onyń bergen jaýabyna tolyq senýdiń qajeti joq.

Bul týraly JI jáne ınnovatsııalardy damytý komıtetiniń sarapshysy «Búgin LIVE» baǵdarlamasyna bergen suhbatynda aıtty.

– Kóp adam ChatGPT-den alǵan jaýapty daıyn sheshim retinde qoldanady. Bul múlde durys emes. Eń birinshi, bul adamnyń oılaý qabiletin tómendetedi. Tipti keıde alynǵan málimettiń merzimi ótip ketken bolýy da múmkin. Sol úshin alynǵan aqparatty resmı derekkózderden tekserý kerek. Adamda emotsııalyq oılaý, saraptaý qabileti bar. Al JI ony adam sekildi oryndaı almaıdy, – deıdi Baqbergen Sháripbek.

Mamannyń aıtýynsha ChatGPT-ge derekterdi bólisý asa qaýipti.

– JI-dy qoldaný barysynda qaýipsizdikti saqtaý úshin paıdalanýshy mindetti túrde óziniń qarjylyq synyp, qupııa, jeke derekterin engizýge bolmaıdy. Sebebi ChatGPT mashınalyq oqytý úrdisi arqyly júredi. Oǵan júktelgen barlyq derekter platforma bazasynda saqtalady. Ony úshinshi tulǵaǵa berilmeıdi deıdi. Biraq hakerler men alaıaqtar óz múddesine qoldanýy múmkin. Bul áreketter derbes derekterdiń saqtalýyna qaýip týdyrady, – deıdi maman.

Aıta keteıik, AQSh- ta ChatGPT-ge qylmys týraly habarlaǵan stýdent sottaldy.