ChatGPT arqyly dinı suraqtarǵa jaýap alýǵa bolmaıdy — Ózbekstan musylmandary basqarmasy
TAShKENT. KAZINFORM — Ózbekstan musylmandary basqarmasyna qarasty Pátýa ortalyǵynyń qyzmetkerleri jasandy ıntellekt dinı suraqtarǵa tolyq jaýap usyna alamaıtynyn málimdedi, dep habarlaıdy Kazinform agenttiginiń menshikti tilshisi.
— Joq, buǵan jol berilmeýi tıis. ChatGPT platformasy keıbir sala mamandaryna paıdaly bolǵanymen, ol dinı suraqtarǵa durys ári naqty jaýap qaıtara almaıdy. Óıtkeni, bul adam qolymen jasalǵan ónim. Jasandy ıntellekt belgili bir kitaptarǵa silteme jasaı otyryp, jaýapty tek jobalap usynady. Biraq ChatGPT keltiretin aqparat resmı kitaptar men ózge de derekkózderde kezdespeıdi. Sondyqtan sharıǵat máseleleri boıynsha bilimdi mamandardyń kómegine, keńesine júginý oryndy, — delingen Pátýa ortalyǵy jarııalaǵan túsindirmede.
Eske salaıyq, ChatGPT-di ázirlegen OpenAI jasandy ıntellekt kompanııasy Ózbekstanda salyq tóleýshi retinde tirkeldi. El turǵyndary ony 2023 jyldyń qarasha aıynan bastap paıdalanyp keledi.