Chat GPT, jerden tys órkenıet, robottar. Nobel Fest-te qandaı taqyryptar talqylanady

GPT-diń bizge qandaı paıdasy bar? Klımat qalaı ózgeredi? Blokcheındegi trendter qandaı bolady? Robottar álemdi qashan jaýlap alady? Basqa planetalarda ómir bar ma? Kelesi pandemııa qalaı áser etedi? Nobel Fest-te osyndaı taqyryptar talqylanady, dep habarlaıdy QazAqparat.

Uıymdastyrýshylardyń málimetinshe, festıval baǵdarlamasy úsh negizgi baǵytty (úsh kezeń) qamtıdy.

Birinshi trek – ınnovatsııa. Munda sońǵy tehnologııalyq jetistikter, jasandy ıntellekt, GPT sııaqty ónertabystar, neırondyq jeliler týraly suraqtar talqylanady. Jańa ındýstrııalar, robottar jáne eńbek naryǵynyń bolashaǵy qalaı ózgeretini de aıtylady.

Ekinshi trek ǵylymmen baılanysty, jaqyn arada ashylatyn qupııalar týraly suraqtardy jáne adamnyń mıy men sanasyn zertteýdi qamtıdy. Sondaı-aq, kvanttyq kompıýterler, jerden tys ómir men órkenıetterge qatysty máseleler talqylanady.

Úshinshi trek bilimmen baılanysty jáne osy saladaǵy zamanaýı tájirıbelerdi, sondaı-aq tsıfrlyq dáýirde qandaı daǵdylar men bilimniń mańyzdy bola bastaǵanyn ashady.