Charlie Hebdo-nyń sýretterin qaıtalap basqan nemis gazetiniń ǵımaraty órtendi
ASTANA. QazAqparat - 11 qańtar kúni túnde belgisiz bireýler Charlie Hebdo jýrnalynda jarııalanǵan karıkatýralardy qaıta basyp shyǵarǵan Hamburger Morgenpost gazetiniń ǵımaratyna órt qoıǵan. Tilsiz jaýdan eshkim zardap shekken joq. Polıtsııa qylmys sebepterin anyqtaýda, dep jazady «Nemis tolqyny» aqparattyq agenttigi.
11 qańtarda túnde qaskúnemder ǵımaratqa birneshe ret tas laqtyryp, artynsha tutanǵysh qospa salynǵan shısha laqtyrǵan. Túnde ǵımaratta eshkim bolmaǵandyqtan oqıǵadan eshkim zardap shekpegen.
Tilsiz jaý jaıynda aqparat túngi 2:20-da túsken.
Ǵımarattyń gazet muraǵaty ornalasqan bóligi janyp ketken. Órt dereý aýyzdyqtaldy. Jartylaı órtengen gazetter men qujattar syrtqa shyǵaryldy.
Gambýrg polıtsııasy qylmysqa qatysy bar degen kúdikpen eki adamdy ustady. Qazir qylmys sebepteri anyqtalýda.
